Zyrtarët thonë se Boystown që është nxjerrë nga përdorimi, kishte më tepër se 400 mijë përdorues të regjistruar.

Thonë se imazhet tregojnë abuzimet më serioze seksuale të fëmijëve.

Rrjeti i errët është një zonë e internetit përtej arritjes së motorëve të zakonshëm të kërkimit.

Hetimi i drejtuar nga autoritetet gjermane kanë përfshirë agjencitë policore në Holandë, Suedi, Australi, SHBA dhe Kanada.

Agjencia policore e BE-së, Europol, ka thënë se po ashtu të ekzaminojë të dhënat e siguruara nga operacioni, dhe “më tepër arrestime dhe shpëtime pritet në mbarë botën” bazuar në këtë.

Disa uebfaqe “chati” të pedofilëve në rrjetin e errët po ashtu janë nxjerrë nga përdorimi, ka thënë Europol.

Policia gjermane ka thënë se tre burra të arrestuar që nga mesi i prillit, besohet se kanë drejtuar rrjetin: një 40-vjeçar nga Padeborni, një 49-vjeçar nga Muencheni dhe një 58-vjeçar nga veri i Gjermanisë që ka jetuar në Amerikë të Jugut për disa vjet. Ai është arrestuar në rajonin Concepcion të Paraguait me fletëarrest ndërkombëtar.

I dyshuari i katërt është një 64-vjeçar nga Hamburgu që besohet se ishte një nga anëtarët më aktiv, përgjegjës për më tepër se 3500 postime.